Գյուղնախարարությունը զբաղվում է ապօրինի անտառհատումների խնդրով

Գյուղատնտեսության նախարարությունը հանդես է եկել ապօրինի անտառհատումների կանխարգելմանն ուղղված մի շարք առաջարկություններով:

Չորեքշաբթի օրը Գյուղատնտեսության նախարար Գերասիմ Ալավերդյանը ժամանել էր Վանաձոր` Գուգարքի անտառներում վերջին շրջանի տեղի ունեցած անօրինական հատումների վերաբերյալ Լոռու մարզի իրավապահների ու անտառտնտեսությունների մասնագետների հետ հանդիպելու, անօրինական հատումների պատճառներն ու դրանց կանխարգելման միջոցները քննարկելու համար:

«Ազատություն» ռադիոկայանի հետ զրույցում նախարարը հայտարարեց, որ առաջիկայում տեղադրվելու են անցակետեր, որոնք կստուգեն անտառներից դուրս եկող ավտոմեքենաները, որը կնպաստի անօրինական հատումների ծավալների նվազմանը:

Բացի այդ, Գյուղատնտեսության նախարարությունը դեռեւս անցած տարվանից մշակել է մի որոշման նախագիծ, որով անտառամերձ շրջանների բնակչությանը նախատեսվում է անտառային թափուկների գնով վառելափայտ տրամադրել: Եթե 1 խորանարդ մետր վառելափայտի համար անտառամերձ շրջանի գյուղացին հիմա վճարում է 1200 դրամ, որոշման ընդունումից հետո կվճարի՝ 600 դրամ:

Երրորդ գործողությունը, որով նախատեսվում է կանխարգելել անօրինական հատումները, անտառի պահապանների աշխատանքային պայմանների բարելավմանն է ուղղված: Այս պահին անտառապահների աշխատավարձը չի հասնում 50.000 դրամի, նրանց չի տրամադրվում զենք, ավտոմեքենա կամ ձի, արտահագուստ:

Advertisements
Այս նյութը հրատարակվել է Հոդվածներ-ում։ Էջանշեք մշտական հղումը։

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.