ՄԱՐԴ, ՈՐԸ ԿԱՆԳՆԵՑՐԵՑ ԱՆԱՊԱՏԸ

SOS: Փրկենք ծառերը հատումից . «Խոսքի իրավունք»

Քիչ առաջ էլ-փոստով նման ահազանգ ստացա։ Որեւէ մեկը որեւէ բան գիտի՞ էս մասին։

«Քիչ առաջ բնակիչները ահազանգեցին, որ Գյուլբեկյան 43 հասցեում հիմա ծառ է հատվում: Բացատրությունն էլ շատ տառօրինակ` իբրև ծառի արմատներն արդեն երևում են, շուռ կգա: Բնակիչներն էլ այն կարծիքի են , որ երևացող արմատները միայն ծառի հզորության մասին են խոսում: «Խոսքի իրավունք»-ը պահանջում է փրկել անհապաղ քայլեր ջեռնարկել` ծառերը փրկելու համար»։

Նոր ծառատեսակ

Քաղաքում այ այսպիսի ծառ է հայտնվել !

Ծառահատումների դեմ սոցիալական 3 հոլովակ

Ահա այսպիսի սոցիալական հոլովակներ են պատրաստվել FLEG ծրագրի շրջանակներում եւ առաջիկա ամիսների ընթացքում կհեռարձակվեն ազգային ու տեղական հեռուստաալիքներով։ Շատ հուսով ենք, որ հոլովակները կազդեն ծառ հատողների վրա։

Լոռու մարզի դատախազը հանձնարարել է ստուգել Դսեղի անտառը

2011թ. օգոստոսի 16-ին «Հետք օնլայն» ինտերնետային կայքէջում տեղադրվել էր «Անտառը հատվում է. ոչ ոք դրան չի խանգարում» վերտառությամբ հոդվածն այն մասին, որ «Հայանտառ» ՊՈԱԿ-ի Դսեղի անտառտնտեսության պահպանության տակ գտնվող Լորուտի անտառպետության տարածքում անօրինական ծառահատումները շարունակվում են:

Վնասը գնահատվել է 1984թ. գներով

Թեղուտում արդեն իսկ հատվում է անտառը

Շարունակում եմ Թեղուտին նվիրված շարքը, նախորդ գրառումները կարող եք տեսնել այստեղ, այստեղ և այստեղ:  Երբ սովորում էի Հայաստանի ամերիկյան համալսարանում, միակ բնապահպանությանն առնչվող դասընթացի ժամանակ հասկացա որ բնությանը հասցված վնասը շաաա~տ  դժվար է հաշվարկել:  Հաշվարկը անելիս տարբեր գործոններ պետք է հաշվի առնվեն և նույնիսկ լավագույն հաշվարկի դեպքում  միայն տարիներ անց կարելի է հասկանալ իրական վնասը:

Այս ամենի ֆոնի վրա հատ հետաքրքիր է մեր հայ պաշտոնյաների մոտեցումը: Բավականին հաճախ բնավիրման նախարարությունը տեղեկատվություն է տալիս ապօրինի ծառահատումներից բնությանն հասցված վնասի մասին (մեկն էլ չկա հարցնի, այդ ո՞նց եք հաշվել): Գլուխգործոցը  Թեղուտի ծրագրի վնասի հաշվարկն է եղել, որը կատարվել է 1984 թվականի գներով ու մեթոդաբանությամբ:  Բազմաթիվ մասնագետներ պնդում են որ այս  հաշվարկը սխալ է ու ծրագրի վնասը ավելի շատ է լինելու քան օգուտը:  2007թ.-ից բնապահպանները պնդում են որ վնասի  անկախ գնահատում է պետք, նույնիսկ կան միջազգային մասնագետներ որոնք պատրաստ են այդ գործը անել, միայն պետք է մեր Կառավարության հրավերը: Բնականաբար, Կառավարության կողմից հրավեր ստանալու հավանականությունը շատ փոքր է:  Բա որ հանկարծ պարզվի որ Թեղուտի ծրագրի վնասը իրոք հսկայական է…

Անտառը հատվում է. ոչ ոք դրան չի խանգարում

Անտառահատում Լոռիում

Հետքում հերթական հոդվածն է տպագրված Լոռիում անտառահատումների վերաբերյալ: Մեկ մեկ նույնիսկ մտածում եմ ինչքա~ն անտառ կա, որ հա կտրում տանում-կտրում տանում են ու մեր պաշտոնյաները այդքան հանգիստ են նայում.. Անտառը հո անվերջ չէ, վերականգնելու համար տարիներ են հարկավոր լինելու:  Իսկ թե ինչ ենք մենք անելու այդ տարիներին անանտառ Հայաստանում պարզ չէ…

Փայտ տեղափոխելու թույլտվություն չունեին

Լոռու մարզի Ահնիձոր գյուղի մուտքի մոտ կիրակի օրը հանդիպեցինք փայտ տեղափոխող 4 ավտոմեքենայի։ Մեքենաներից մեկն արդեն բեռնված էր, մնացած 2-ի մեջ բանվորները փայտը դեռ կիսատ էին բարձել, իսկ 4-րդ մեքենան ամբողջությամբ դատարկ էր։

Թանկյանը Թեղուտի մասին

Նոր վերադարձա Սերժ Թանկյանի համերգից ու Twitter-ում տեսա իր մի փոսթը Հայաստան այցեության մասին:

Թանկյանը նաեւ պատմում է Լոռվա անտառներ իր այցելության ու Թեղուտի անտառների խնդրի մասին :)

Ծառահատում Մարմարիկի անտառներում

Վերջերս Կոտայքի մարզի Մարմարիկ գյուղի հարևանությամբ գտնվող անտառում երիտասարդ ծառեր են հատվում: Փաստի մասին ահազանգել էր Սամվել Մարտիրոսյանը, ում հավաստմամբ հատված ծառերի մի մասը տարել էին, իսկ մյուս մասը դեռ չէին հասցրել տեղափոխել: Սոճիների կոճղերի վրա հող էր լցված` ըստ երևույթին թարմությունը վերացնելու համար:

Կոտայքի մարզպետարանի բնապահպանության և գյուղատնտեսության վարչությունից ավելի ուշ տեղեկացանք, որ ծառահատումներն ապօրինի են և նշյալ տարածքում կտրվել է 16 — 30 սմ տրամագծով 25 ծառ: Հայտնաբերումից անմիջապես հետո դեպքի վայր են մեկնել “Հայանտառ” ՊՈԱԿ – ից, բնապահպանական պետական տեսչությունից աշխատակիցներ, նաև ոստիկաններ: Կազմվել է արձանագրություն, գործը հանձնվել է իրավապահ մարմիններին:

Աղբյուրը՝ lragir.am